Close

2-time world boxing champion ginapangita ang iyang igsuon nga babaye sa GenSan

Sponsor ads


GENERAL SANTOS CITY- NAGAHILAK nga nagapatabang sa 89.5 Brigada News FM Gensan ang 2-time world boxing Champion nga si Jose Ocampo III sa panawagan aron makita ang iyang manghod nga lima ka tuig pa ang edad sa dihang nipahawa sa ilang gipuy-an.

Pebrero 22 adlaw nga Lunes sa dihang niadto sa Brigada GenSan si Ocampo aron manawagan sa taga Gensan ug kasikbit lugar nga isulti kanila kon asa na si Neneng Ocampo nga iyang manghod.

Ang istorya nagkatibulaag sila gumikan nakasinati sila og dili malipayong pamilya adunay gidangpan ang iyang manghod nga si Neneng Ocampo ug wala na sila magkita sukad kini nipahawa sa balay sa ilang iyaan sa naga-edad pa kini og lima ka tuig.

Nakasab-an matud pa si Neneng kay sa dihang gisugo nga mopalit og bugas ang tinapay ang gipalit kay nibati og kagutom sa merkado nga kanhi nailang landing fish.

Nakasab-an mao nga niadto balik sa merkado, adunay naka-rescue nga tawo, gihatod kini balik sa balay sa ilang iyaan ug nagsulti ang naka-rescue nga kon molatagaw pag-usab si Neneng dili na niya kini ibalik.
Gidugang ni Ocampo nga nilakaw ang iyang manghod ug ang iyang problema karon kay wala siya nakaila sa tawo nga gidangpan sa iyang manghood, bag-o usab daw namatay ang ilang inahan nagtugon kini nga pangitaon si Neneng.

Gumikan sa gibati niini nga kamingaw nagahilak kini sa pagsaysay, bisan matud pa sa damgo iyang ginahinumdom ang iyang manghod, mao nga nagapatabang kini sa publiko nga kon si kinsa katong nakaila kay Neneng Ocampo o basin na usab na ang pangalan sa iyang gidangpan nga pahibal-on siya aron iyang matuman ang tugon sa ilang inahan nga pangitaon ang ilang kamanghuran.

Ang iyang tumong dili sa pagbawi kondili mahimamat lang si Neneng kay gihidlaw na siya pag-ayo,wala usab siya nakahinumdom sa saktong petsa sa paglakaw sa iyang manghod, samtang siya usab nanimpalad usab sa kadalanan sa GenSan hangtod nahimong boksidor ug nahimong world champion.

Si Ocampo nahimong WBO Asia Pacific Super Featherweight Title (March 2012), WBO Oriental Lightweight Title (April 2011), Philippines Boxing Federation (PBF) Super Featherweight Title (March 2011) ug Interim Philippines Boxing Federation (PBF) Lightweight Title (April 2009).-END-