Close

2 panibag-ong patay sa dengue

Sponsor ads


Duha na matud pa ka mga pasyente sa sakit nga Dengue ang namatay sa Agusan del Norte Provincial Hospital sulod ning bulana.

Sigon ni Lexter Dolotina, administrative officer sa nasangpit nga balay tambalanan, nga basi sa ilang record, duha na ang natalang namatay sulod sa ilang tambalanan kangsa ang isa gikan sa lungsod sa Carmen ug ang laing isa gikan sa Las Nieves.

Matud pa nga sa nakalabay’ng tuig, tulo ka mga indibidwal usab ang nakalas gumikan sa maong sakit nga gidala sa maong ospital gikan Enero hangtud December 2018.

Sa mga naatimang pasyente, gilangkuban sa 190 ang naggikan sa Butuan City samtang 301 sa Agusan del Norte.

Dugang pa sa opisyal, nga ang namatay niadtong Agosto 2018 ang taga – Brgy. Dulag, Butuan City, pagka - Nobyembre namatay usab ang pasyenting gikan sa Brgy. Libertad ug pagka - Disyembre namatay ang pasyenting taga – Carmen, Agusan del Norte.

Sa ilang talaan, ang mga pasyenteng adunay daghang kaso sa Dengue ang naggikan sa lungsod sa Buenavista nga adunay 118 ug kinagamayan ang lungsod sa Kitcharao nga aduna pa lamang isa.