Close

2 kampo sa Barangay 23-C gitagbo

Sponsor ads


Gitagbo ang duha ka kampo sa politiko sa Barangay 23-C, Davao City human sa nahitabong kagubot.

Sa report gikan sa Davao City Police Office (DCPO) ala-1:30 kaganina nagtagbo silang Kapitan Alimuden Wating Usman ug Mashiu Manding nga maoy mirepresenta sa iyang igsoon nga si Amil Bangsa Manding.

Nasabutan sa maong hitabo nga dunay ipatumang curfew unyang gabii nga magsugod alas sa 10:00 ingon man sa petsa sa piliay dili mamahimong magdala og bag sa mga polling areas sa maong barangay.

Mipatunga sa maong panagtagbo ang hepe sa Sta. Ana Police nga si Police Chief Insp. Nolan Raquid, Atty Marlon Casquejo sa Commission on Election (Comelec) XI ug Col Nolasco Mempin sa Task Force Davao.

Ang curfew ipatuman sa otoridad samtang nagpasalig ang duha ka kampo nga ilang kontrolon ang ilang mga supporters aron walay mahitabong kagubot.

Kagabii lamang tulo ang samaran human miresulta sa sumbagay ug pagpamusil ang nahimong tensiyon sa mga tig suporta sa duha ka kandidato. BNFM-Davao