Close

2 ka suspek sa pagpamomba sa Cotabato City, ginkasuhan na

Sponsor ads


KORONADAL CITY — GINKASUHAN na sang Special Investigation Task Group (SITG) South Seas ang duha ka mga suspek sa pagpamomba sa Cotabato City, Disyembre 31 sang gab-i.

Two counts of murder kag 34 counts of frustrated murder ang ginapangatubang subong sang mga suspek nga sanday Salipudin Lauban Pasandalan nga residente sang Upper Capiton Datu Odin Sinsuat, Maguindanao kag Alyas Saed Nur Kasim nga residente naman sang Dalican, Datu Odin Sinsuat, Maguindanao.

Yara na sa kustodiya sang mga pulis ang suspek nga si Lauban samtang padayon naman nga ginapangita si Kasim.

Madumduman nga duha ang patay samtang 34 ang pilason sa bomba nga nagsigabong sa South Seas Mall sa Cotabato City.

Suno kay Police Chief Supt. Eliseo Tam Rasco, regional director sang Police Regional Office - 12 nga ginpasaka ang kaso sang Enero 9 sa Office of the Prosecutor sa Cotabato City. (Girlie Narciso-Solis)