Close

2 ka drug suspect, patay human misukol sa kapulisan

Sponsor ads


GENERAL SANTOS CITY- NAPUSILAN patay sa mga pulis ang duha ka drug suspect sa gikasang drug buy bust operation sa Barangay Pagalungan, Polomolok, South Cotabato Huwebes sa alas 10 sa gabii.

Giila sa Polomolok Police Station ang mga napatay nga silang Abdul Diok Magalino, residente sa Barangay Magsaysay ug Olive Tejero, residente sa Barangay Poblacion, Polomolok, South Cotabato.

Sa report sa Polomolok PNP target nila ang duha ka suspect sa Purok Masikap, Barangay Pagalungan apan nakabantay matud pa ang mga suspect nga pulis ang ilang katransakyon ug mikuha kini sa ilang armas apan naunhan sa pagpusil sa mga otoridad.

Narekober sa crime scene ang usaka .38 revolver ug mga bala, usaka homemade 5.56 nga pusil ug mga pakete sa gituohang shabu.