Close

2 ka dalagita sa Agusan del Sur, natalang naghikog patay

Sponsor ads


Sunod-sunod ang natala sa duha ka matag PNP Station sakop ning probinsya sa Agusan Del Sur ang Suicide Incident nga gikamatay sa parehong dalagita.

Sa pagpanubay ning sibyahan Brigada News FM Agusan natala sa Bayugan City Police Station ang paghikog patay sa usa ka Reshelvan D. Charvet 15 anyos, dalagita, residente sa P-10 Brgy. Taglatawan, sakop sa siyudad sa Bayugan.

Migula sa imbistigasyon sa kapulisan nga nga bandang alas 9:00 ang takna sa nakalabay nga gabie nadiskubrihan na lamang sa iyang mga kabanay nga nagbitay na kini sa iyang lawak gamit ang Cable Wire nga gihigot sa liog niini kinsa dali gilayong gidala sa doul balay tambalanan apan walay swerti gideklarang Dead On Arrival sa mga mananambal.

Nasayran nga gumikan matud pa sa tumang kaguol o depression human kini naka angkon sa pagpang bully sa tulunghaan ug sa social media kini ang gilantaw nga hinundan sa otoridad apan sa habig sa pamilya naghang sila sa katawhan labi na sa Social Media nga dili mohatag og mga negatibo nga komento inay sabton ang ilang gihambin nga kasub-anan.

Dugang pa sa tahu nga natala usab sa Properidad MPS ang laing paghikog resulta sa pagkamatay sa laing dalagita nga naila sa pangalang Danica Destro Zerilla, 15 anyos ang edad lumulupyo sa Brgy.San Rafael lungsod sa Prosperidad sakop ning probinsya.

Nakit-an nalamang kini sa iyang mga kabanay nga wala na’y kinabuhi sa ilang pinuy-anan, nasayran nga problema sa gugma ang gitumbok nga motibo kinsa ang iyang hinigugma adunay kuyog nga laing binuhat,kasamtangang nangita pa oog kutay sa kuminikasyon ang Brigada News sa mga kabanay sa ingon makuha ang ilang bersyon sa hitabo.

Gisugyot sa mga eksperto nga arun mabatukan kining maong suliran mangita ug tawo nga makatabang nga mugaan ang gibati ug andam muatiman, pakig communicate sa mga higala sama sa tawag text yug chat, himuong busy ang kaugalingon sa mga social activities, mangita ug paagi nga makatabang sa uban ug ingon man pag ampo sa labaw nga makagagahom.