Close

2 drug suspects naaktuhang namaligya og shabu, sikop

Sponsor ads


SIKOP ang duha ka mga drug suspects human nga naaktuhang namaligya og illegal nga druga pinaagi sa hiniusang pwersa sa Drugs enforcement team sa Tampilisan Police Station ug Zamboanga Del Norte Police Office-Intel Branch nga dunay koordinasyon sa Zamboanga Del Norte – PDEA atol sa pagpahigayon og drug buy bust operation sa Barangay Camul, Tampilisan, Zamboanga Del Norte.

Giila ang mga dinakpan nga sila; Carl Evan Ybarley, 23-anyos nga taga- Barangay Antonino, Labason ug usa Joshia Enero Abejo, 24-anyos ug taga- Barangay Gil Sanches, Labason, Zamboanga del Norte.

Matud pa nasikop ang duruha sa dihang napalitan kini sa poseur buyer nga operatiba sa Tampilisan Municipal Police Station.

Narekober ang tulo ka pakete sa gitohoang shabu, usa ka 500 peso bill isip buy bust money ug mga drug paraphernalias.

Kasamtangang nadetina sa naasoyng police station ang mga dinakpan, samtang gahulat sa gi-andam sa kasong pagsupak sa R.A 9165 kon Comprehensive Drugs Act of 2002.