Close

2 arestado sa droga

Sponsor ads


GENERAL SANTOS CITY- BALHOG sa lock up cell sa Police Station 5 ang duha ka lalaki human madakpan sa drug entrapment operation nga gipahigayon sa Tambler Police Station sa barangay Calumpang ning dakbayan.

Mga nadakpan nailhan nga silang Barnie Gamit Monsale 18-anyos ulitawo, walay trabaho ug Randolph Rañez Corpuz 18-anyos, ulitawo, walay trabaho nga pulos residente sa Purok 16 sa Barangay San Jose GenSan nga nakuhaan og gituohang shabu, mark money nga nagkantidad og P500, .22 revolver nga adunay lima ka buhing bala ug ang Kawasaki Baja nga matud pa maoy gigamit sa pagdala sa ginadiling droga.

Kasamtangan nga kustodiya karon sa Tambler Police Station ang mga maong dinakpan samtang ginahan-ay na ang kaso nga kalapasan sa RA 9165 ug RA 10951 kon illegal nga paghupot sa armas ug mga bala.