Close

2,500 na-isyuhan na og business permit sa LGU-GenSan

Sponsor ads


GENERAL SANTOS CITY- MOKABAT pa lang sa 2,500 as of Friday ang na-isyuhan og business permit sa Business Permits and Licensing Division.

Kini ang gikumpirma ni Geraldine Zamora, labaw sa Business Permits and Licensing Division human gisugdan ang business permit renewal niadtong Enero 2 ug mahuman sa Enero 20.

Matud ni Zamora nga abli sila bisan adlawng Sabado ug Dominggo, alas 8:30 sa buntag hangtud alas 5:30 sa hapon alang sa magproseso sa ilang business permit. Daghan na ang naka-billing apan wala pa nakabayad nga sukwahi matud pa sa miaging tuig.

Luyo nga gamay pa ang na-released nga business permit sa target nga anaa sa 8,000 hangtud 9,000, malaumon si Zamora nga makab-ot o malabwan pa ang target pagkahuman sa tagal nga gitakda sa syudad alang sa mga negosyante nga hangtud sa tungang gabii sa January 20.

Ang pakyas makatuman sa gitakda nga panahon sa pag-renew sa business permit ang makaangkon og surcharges.