Close

170 pamilya sa Polomolok, may livelihood assistance gikan sa DOLE

Sponsor ads


KORONADAL CITY - Yara sa 170 ka pigado nga mga pamilya sa Polomolok, South Cotabato ang nakabaton sang livelihood assistance nagikan sa Department of Labor and Employment (DOLE) Region 12.

Ini makaligad nga ginhatagan sang DOLE sang P2 million nga livelihood assistance ang local government unit sang Polomolok para sa amo nga programa.

Lakip sa mga nakapulos sini ang amo nga pigado nga pamilya nga ginalakipan sang mga wala sang trabaho, self-employed apang wala sang nagaka-igo nga income, mga kabataan, mga kababaihan, senior citizen, mga may deperensiya kag mga nagsungka nga drug personality.

Suno kay DOLE-12 Regional Director Sisinio Cano, magapatukod sang mga rolling stores, mini carenderia, mini-refreshements, food processing kag kakanin making business ang mga benepisyaro sang programa.

Katuyuan suno pa sang programa nga mahatagan sang dugang nga income ang mga benipisyaryo sa idalom sang DOLE Integrated Livelihood and Emergency Program ukon DILEEP. (Girlie Narciso-Solis)