Close

17 ka mga topnotchers sa LET gikan sa MSU-GenSan

Sponsor ads


GENERAL SANTOS CITY- DAKONG gipasigarbo sa Mindanao State University ang mga topnotchers sa ilang tulunghaan sa gipahigayong September 2019 Licensure Exam for Teachers, asa ang resulta migawas adlawng Dominggo.

Segun ni Dr. Precy Regalado, kanhing chairperson sa BEED sa MSU-College of Education bisan siya nakuratan kay halos tanan nahimong topnotcher sa LET Exam ang gikan sa MSU.

Kini tungod matud pa sa pagpaningkamot sa mga estudyante, ingon man ang hugot nga pag-review gawas pa sa ilang curriculum.

Sa kursong BEED ania ang mga nahimong topnotchers; Top 1 si Joshua Canseco; Top 2 si Novalyn Barte samtang Top 5 silang Dimple Mangalon ug Darlene Navarro ug Top 6 si Roselle Mondejar.

Upat usab ang top 7 nga silang Nadja Dingli; Karla Quimson; Georje Rojas ug Jessa Balcos samtang Top 8 silang Shekinah Grace Cabunilas ug Jully Salvacion Delgado ug Top 10 si Sitti Sabinula.

Alang usab sa kursong BSED ania ang mga nahimong topnotchers; Top 2 si Julean Villaruel Federizo; Top 5 si Marchee Diaz; Top 6 si Nasser Sabandal ug Top 10 silang Efren Nicolas Andraque ug Joey Maravillas.