Close

156 katao sa region-12, giimbestigahan kalabut sa SAP- DSWD-12

Sponsor ads


GENERAL SANTOS CITY- MISAKA na sa 156 katao ang giimbestigahan karon sa Criminal Investigation and Detection Group (CIDG) 12.

Kalabut sa isyu sa dili matud pa kwalipikadong benepisyaryo sa Social Amelioration Program (SAP) sa gobyerno. Matud ni Cezario Joel Espejo, director sa Department of Social Welfare and Development (DSWD) 12 gireklamo nila ang maong mga tawo. Tungod sa gitawag nga ‘multiple receipt’ sa ayuda gikan sa gobyerno o kadtong nakadawat na pinaagi sa 4P’s ug midawat gihapon sa SAP.

Gikaingon sa opisyal nga posibleng sa sunod nga semana duna nay makasuhan kalabut sa niini. Sa bahin usab sa opisyal sa CIDG-12, giberipika pa nila karon ang reklamo nga gipaabot kanila sa DSWD-12.
Tan-awon pa nila kung kinsa o asa ang nahimong sipyat sa nahitabong doble nga pagdawat sa maong mga indibidwal sa tabang sa gobyerno dungan sa gipatuman nga lockdown tungod sa COVID-19.

Ugaling mapatud-an nga nakahimo og salaud ang maong mga tawo, posible silang mag-atubang og kasong estafa ug falsification of public documents ilawom sa Revised Penal Code.