Close

11 Butuanon, gipang-priso

Sponsor ads


Onse ka mga Butuanon ang temporaryong gipriso sa Langihan Police Station human nagtagay taliwala nga diyes oras na sa gabii diha sa Brgy. Obrero sakop ning siyudad sa nakalabay’ng gabii.

Nasuta nga pulos menor de edad ang nasakpang nagtagay hinungdan dali kining gipang-karga sa patrol car aron itanggong sa ingon mabutang kini sa luwas nga lugar.

Ang mga nahisgotan pulos wala nagmahay sanglit nag-uban man sila sa pag-inom sa ilimnong makahubog, nag-uban gihapon sila sulod sa prisohan.

Gipatawag ang mga ginikanan sa mga nahisgotan aron ipakuha dungan sa paghatag sa pipila ka sermon nga likayan ang pag-inom, diyes oras sa gabii aron dile kini dakpon.

Hisayran nga gipasikad ang maong Curfew Hour sa Sangguniang Panlungsod Ordinance No. 1013 series of 1994 ning siyudad.

Nakalatid sa maong ordinansa, magsugod ang curfew hour sa alas-10:00 ang takna sa gabii hangtod alas-5:00 sa buntag.

Sa maong mga oras, hugtanon nang idili ang pagbaligya sa ilimnong makahubog, pag-inom sa ilimnong makahubog sa publikong lugar sama na lamang sa sidewalks o kaha kalsada, ug pag-operate sa mga videoke house.

Hugot usab nga idili ang pagbaligya sa mga sigarilyo ngadto sa mga menor de edad.

Subleng gipatuman sa kagamhanang lokal sa dakbayan sa Butuan ang Curfew Hour aron masumpo ug malikayan ang posibleng riot nga mahitabo nga sagad gilambigitan sa mga menor de edad.