Close

100-K ka tawo gilaumang modagsa sa kapiestahan ni Sr. Santo Niño

Sponsor ads


GENERAL SANTOS CITY- GILAUMAN nga modagsa ang kapin sa 100,000 ka tawo sa kapiestahan ni Sr. Santo Niño sa Barangay Bula karong Enero 15.

Tungod sa gilaumang pagdagsa sa mga tawo, giplastar ang security measures aron malikayan ang unsa mang kakulian.

Gibutyag ni Police Major Tirso Pascual, labaw sa Bula Police Station nga nahisgutan na ang security preparations and deployment apil ang pagpatunhay sa trapiko sugod Enero 14 hangtud sa 15, asa libuan ka mga pulis, sundalo, force multipliers ug criminology students ang moabag.

Una nang gibutyag ni Marfinio Tan, usa sa nagadumala sa kapiestahan nga lakip nga gi-augment ang mga sakop sa Philippine Coast Guard, PNP-Maritime Group ug Philippine Navy alang sa fluvial parade.

Anaa usab sa 200 ka mga bangkang panagatan sa GenSan ang mosalmot sa prusisyon sa imahen ug ning tuiga ang Loraine Fishing ang mahimong modala sa imahen sa prusisyon.