Close

10 militia ng bayan sa NPA, misurender sa Agusan del Sur

Sponsor ads


MISURENDER ang 10 ka mga miyembro sa Militia ng Bayan, sa Guerilla Front Committee 14 sa rebelding New People’s Army kon NPA nga niadtong milabayng adlaw sa alas-8:00 sa buntag sa Sitio Cosep, Brgy Bayugan 3, Rosario, Agusan del Sur diin bitbit sa mga niini ang 7 ka mga armas ngadto sa Community Support Team sa Bravo Company sa 75th Infantry (Marauder) Battalion, 4ID, Philippine Army ilalom sa superbisyon sa Commanding Officer nga si Lieutenant Colonel Jaime Datuin.

Giila ang mga mitahan nga sila Rene Boy Tiin Alyas Erose o Cale, Gabriel Pau-as alyas Nanan, Jovanie Dacuycuy Alyas Lito, Pedrito Tagliyong Alyas Rafy, Edgar G Laspeñas Alyas Roger, Rogelio Marbibi Alyas Dohi og Dante Vosotros Alyas Jerry, Richard Ortega Alyas Joboy, Marialyn Pagaran Alyas Melka ug Roger Tawide Alyas Cocoy nga parehong residente sa Sitio Cosep, Brgy Bayugan 3, Rosario, Agusan del Sur.

Gi-turned over niini ang pito ka high powered firearms nga gilangkuban sa usa ka kalibre sa 45 nga pistola og usa ka magazine nga dunay walo ka mga buhing bala; usa ka Improvised Calibre .45; usa ka Calibre 357 nga dunay lima ka buhing bala; usa ka US Cal 22 Rifle nga dunay upat ka bala og tulo ka Improvised Shotgun nga dunay lima ka mga buhing bala.

Gipanawagan usab ni Lieutenant Colonel Jaime R Datuin INF (GSC) PA, Commanding Officer sa 75IB sa mga nahabiling kaigsoonan sa kabukiran nga sila gihatagan ug higayon nga musurender na usab aron makapanginabuhi og malinawon kauban ang pamilya.