Close

(Update) OFW nga gin maltrato it amo sa Jedah, Saudi Arabia, nagapabilin nga confine sa hospital

Sponsor ads


KALIBO, AKLAN — Nagapabilin nga confined sa ospital ru OFW nga gin maltrato it amo sa Jeddah, Saudi Arabia.

Raya ru kompermasyon sa Brigada News FM Kalibo ni Lilian Dalida, OFW nga taga Brgy. Badiangan, Banga, Aklan.

Si Dalida ru nag bulig sa biktima nga si Geraldine Casino, residente it Brgy. Laserna, Nabas, Aklan.

Una eon nga binuhosan it mainit nga tubi samtang naga katueog bangud suno sa amo, si Casino hay “virus” halin sa Pilipinas.

Nasayuran nga gin pakaon pa it mga expired nga chocolates ru biktima.

Suno kay Dalida, nalisdan imaw nga maka buoe it update sa sitwasyon it biktima bangud gin bue-an eon it internet connection.

Padayon ru pag-apela it bulig ni Dalida sa pamilya ag ahensya’t gobyerno agud masalbar ru biktima.

Padumdom ni Dalida sa mga Aklanon nga may gustong mag pasimpalad sa guwa it nasyon, isipon it sang gatos beses bago mag decision bangud paswerte ru maabutan nga pamatasan it amo. / MARIVIC YARRE-ILIN