Close

'Bomber' patay sa pagpangluthang sang mga suldado

Sponsor ads


KORONADAL CITY — GINBAWIAN sang kabuhi samtang ginabulong sa ospital ang isa ka gina-alegar bomber nga ginluthang sang mga suldado sa checkpoint sa Barangay Tamontaka 2, Cotabato City.

Ginkilala ang suspek nga si Talib Datukali Dingo base sa Philhealth ID nga nakuha sa iya pitaka.

Sakay suno pa si Dingo sang iya motorsiklo sang ginpara sa checkpoint apang nagpamalipad, sa baylo nagbunot sang iya armas luthang.

Gin-unahan na ini sang mga suldado rason nga gindala ini sa Cotabato Regional and Medical Center, apang ginbawian sang kabuhi samtang ginabulong.

Nakuha sa suspek ang Philhealth ID sini, isa ka kalibre 45, cellphone kag duha ka ATM kag kwarta nga P5,700.

Nakuha naman sa motorsiklo nga wala sang plate number sini ang isa ka IED nga gilayon naman gin-deactivate sang mga Army bomb disposal experts. (Girlie Narciso-Solis)