Insigida nga ginpasugtan it pamunuan it Altavas Municipal Police Station sa pagpamuno ni PLT RYAN S BATADLAN ACOP, ro hinyo it sangka unga nga eaeaki nga magselebrar it anang kaadlawan sa istasyon it Altavas.
Si Samuel Nathan Gregorio Shuck, hay nagselebrar it anang 9th birthday sa Altavas Police Station kaibahan ro anang pamilya.
Eubos ro kalipay nga nabatyagan it unga bangud natupad ro anang hinyo nga makapag “picture taking” kaibahan ro sangka Pulis ag makasakay sa “police car”.
Nasayuran nga si Samuel Nathan hay sambilog eamang sa mga inunga nga nagahandum nga maging sangka pulis. / ANN DESLENE SALAZAR
