Pormal eon nga ginturn-over it pamunuan it LGU Kalibo ro ap-at nga Vaccine Refrigerators para sa Routine Immunization sa pilang kabaranggayan sa Kalibo makarun nga adlaw, Agosto 1.
Ginbatun ro nasambit nga refrigerator units it mga midwife halin sa Barangay Linabuan Norte, Tinigao, Andagao, ag Tigayon.
Base sa Municipal Health Office (MHO), mabahoe nga bulig ro mga refrigerator units para indi eon kinhangean nga mag agto it RHU Birthing Center kung may vaccination drive ro mga napiling Barangay.
Samtang, gin-inspeksyon man ro palibot it RHU Birthing Center sa N. Roldan Street, Kalibo. / ANN DESLENE SALAZAR
