Iginiit ng Department of Health (DOH) na hindi ‘mandatory’ ang pagpapabakuna laban sa Covid-19 sa bansa.
Ayon kay DOH Undersecretary Maria Rosario Vergeire, wala umanong ibinigay ang kanilang kagawaran maging ang pamahalaan na statement na magiging sapilitan ang pagpapabakuna.
Dagdag pa niya, hindi din naglabas ang gobyerno ng anunsyo o pahayag na gagawing mandatory ang booster shots.
Samantala, sinabi ni Vergeire na inatasan ang kanilang ahensya ni
President Ferdinand Marcos Jr. na gumawa ng mga stratehiya na magpapataas ng vaccination coverage sa Pilipinas. (ARGIE ERGINA)
