Naaresto ng mga pulis ang gunman sa nangyaring pamamaril sa July 4 parade celebration sa Chicago Illinois sa Estados Unidos nitong Lunes.
Kinilala si Robert Crimo, 22 years old bilang ‘person of interest’ sa naturang insidente kasabay ng selebrasyon ng US Independence Day sa bayan ng Highland Park.
Nasa 6 katao ang nasawi habang mahigit dalawang dosena naman kabilang ang ilang kabataan ang nasugatan.
Samantala, matinding trauma at takot ang naidulot ng nasabing pangyayari kung saan ang ilan sa mga injured na isinugod sa ospital ay nasa kritikal na kondisyon. (ARGIE ERGINA)
