Umaasa ang Bureau of Fisheries and Aquatic Resources na may ikalawang bahagi pa ang fuel subsidy na ibinibigay ng pamahalaan sa mga piling mangingisda sa bansa.
Ito ay dahil naisulong na ni Dating Department of Agriculture Secretary William Dar ang pondo para sa 2nd tranche bago pa bumaba sa puwesto.
Ayon kay BFAR Region 3 Dir.Wilfredo Cruz, kapag nakita ng bagong administrasyon na malaking tulong ang subsidiya para sa mga mangingisda ay tiyak na itutuloy ang pamamahagi nito.
Matatandaan, namahagi ng ayuda o fuel subsidy ang gobyerno sa mga sektor na pinaka-apektado ng mga pagtaas sa presyo ng produktong petrolyo gaya ng magsasaka, mga tsuper, at mangingisda.//Christian Andres-BNFM OLONGAPO
Photo: BFAR Central Luzon
