MUSUGOT ang mga nanimuyo sa Villa Consuelo sa Barangay City Heights nga himuong alternate route ang maong subdivision kon ugaling nga matuman ang ilang demand nga giduso ngadto sa DPWH.
Kini ang giluwatan ni Purok Villaconsuelo Chairman Edgar Juanich pagkahuman nga ilang nasabotan sa general assembly meeting niadtong nakalabay nga bulan.
Lakip sa demand sa mga lumulopyo ang una mao ang pagpasemento sa tanang dalan sa subdivision, pagprovide ug drainage sa subdivision, pag-provide ug 24 oras nga security personnel, ikaupat ang pagbutang og street lights ug ikalima ang maintenance sa mga dalan.
Saysay pa ni Juanich nga base sa ilang nasabotan nga walay problema nga gamiton ang ilang dalan basta ma-comply lang ang ilang demand.
Napaabot na matud pa niini ngadto sa DPWH ang ilang demand ugaling kay wala pa nakatubag ang maong ahensya.
Dugang pa niya kon ugaling dili mosugot sa ilang demand mahimong i-invoke niini ang ilang katungod nga did-an ang mga behikulo nga mo-agi sa ilang subdivision nga maoy migula sa ilang nasabotan nga mga residente sa maong subdivision. I Danny Casi
