Nauli sa rambol ro away it ap-at nga mga babaye bangud eamang sa sambilog ka tsismis ag mga pabati-bati nga gin-pinost sa social media.
Sa report it mga otoridad, natabo ro insidente sa Pototan Public Market ku Hunyo 16, 2022.
Batay sa pahayag it Violence Against Women and their Children (VAWC) Desk it Pototan Municipal Police Station, ginsugod ni Alyas Jane, 16; Alyas Love, 18; ag Alyas Jennifer, 22 si Alyas Linda, 14 sa establisyemento nga ginatrabahuhan kara ag ginngayat it tatlong babaye si Alyas Linda it inaway.
Uwa eun nagtao ro VAWC desk it bisan ano man nga impormasyon sa kung ano ro sueod it tsismis.
Nakataeana man nga i-endorso ro ap-at nga mga persona sa Department of Social Welfare and Development (DSWD) agud mataw-an it solusyon ro insidente./JIL B. LACSON
