Gintaw-an it pagkilaea it Sangguniang Panlalawigan (SP-Aklan) si Cherry Samuya Veric bangud sa naangkon kara nga national and world fame sa patag it Fashion Designing.
Ku June 13, 2022, gintao it SP-Aklan ro resolution of commendation kay Veric sa Astoria Current 3, sa isla it Boracay kung siin ginahiwat ro Assembly of the Provincial Board Members League of the Philippines (PBMLP) Region VI.
Si Cherry Samuya Veric, nga taga Poblacion, Ibajay, Aklan, hay nagaangkon it pinasahe nga abilidad sa anang mga obra.
Naghimo imaw it pangaean sa fashion industry matapos mag-intra sa sikat nga reality TV show, Project Runway Philippines Season Two, ngani imaw hay naging sambilog sa mga ginahangad nga mga batang designer sa Philippine fashion scene.
Si Veric hay sangka outfitter it mga artista, socialites ag beauty queens.
Ro resolution of commendation hay sponsored nanday Engr. Jose Miguel M. Miraflores, Hon, Ramon S. Gelito ag Hon. Nelson D. Santamaria ag co-sponsored it tanan nga SP Members. / ANN DESLENE SALAZAR
