Gindakop it Philippine army ro ginapatihan nga vice commander it New People’s Army (NPA) sa Guihulngan City, Negros Oriental.
Ro persona hay ginakilaea nga si Macario “Lawin” Fat Sr. nga ginapatihan nga Section Guerilla Unit it Central Negros 1 it NPA, Komiteng Rehiyon Negros Cebu Bohol Siquijor (KR-NCBS).
Sa reports it army, ginbisita ni Fat ro anang mga pamilya sa Sitio Anahaw sa Barangay Sandayao it nasambitan nga syudad.
Ginkumbinse man raya it anang pamilya nga magsurrender sa mga otoridad ag mapangabuhi bilang sangka normal nga residente pero nagpakamatig-a gihapon raya rason nga nakipag-angot ro pamilya nana kara sa kapulisan agud ikaw hay maaresto.
Narekober sa ana ro sambilog ka .45 caliber pistol nga may daywa ka magazine, ag 11 nga mga bala./JIL B. LACSON
