Inireklamo ng ilang mga Overseas Filipino Workers (OFWs) sa Kuwait ang kanilang mga balikbayan boxes na hindi pa umano nakakarating sa Pilipinas.
Ang ilan sa mga ito ay inabot na ng isang taon bago pa makarating sa bansa kung saan maraming gamit na ang nasira at na-expire na mga pagkain.
Maraming kababayan ang dismayado dahil baka mawala ang kanilang perang pinaghirapan sa loob ng maraming taon sa ibang bansa.
Samantala, sinabi ni Philippine Embassy in Kuwait Vice Consul Aaron Eric Lozada na inaayos na ang mga reklamong ito upang mapanagot ang kumpanyang sangkot dito. (ARGIE ERGINA)
