Nakitang patay ru sangka 23 anyos nga babayeng Branch Manager it sangka pawnshop sa Mabini St., Kalibo, Aklan.
Sa initial nga imbistigasyon, nakilaea ru biktimang si Bona Hercia Ambay nga taga-Pandan, Antique.
Nasayuran nga sa pagbukas it nasambit nga establishment, nakit-ang naga paligos eon sa sariling dugo ru biktima ag may nina sa alima ag dughan nga gina patihan nga defense wound.
Sa makaron, naga padayon pa ru imbistigasyon it mga kapulisan angot sa pagkamatay kara.
Samtang, haeos maeogad sa eogta ag estan eang nahimatay ru ama it biktima nga halin pa sa Antique matapos masayuran ru natabo sa anang unga.
Nasayuran nga si Bona Hercia Ambay hay dating Pandan Bay Institute Inc. Ambassadress of Goodwill 2015.//MARIVIC Y. ILIN
