Nakarekord it 214 ka mga kaso it Hand Foot and Mouth Disease (HFMD) ro probinsiya it Capiz sa una nga an-um nga buean it dag-on ngara.
Raya ro naging kumpirmasyon it Provincial Health Office.
Ro HFMD hay sambilog ka impeksyon halin sa virus nga ginatamaan ro mga unga nga uwa pa it 10 dag-on
Ro mga sintomas it sakit ngara hay mga paltos sa eawas partikular eun sa alima, paa, ag bibig.
Nagakaeat raya paagi sa mga droplet o direktang kontak sa mga discharge it ilong, eaway, higko, ag likido halin sa mga pantal it pasyente.
Sa presente, ro HFMD sa Capiz hay may 26.07 % attack rate./JIL B. LACSON
