Bumibyahe na ang lahat ng unit ng Subic San Narciso San Felipe Transport Service Cooperative na kabilang sa nagbibigay ng serbisyo ng libreng sakay.
Ito ay para maserbisyuhan ang lahat ng mga mananakay araw-araw lalo na ang mga Frontliner at Health workers.
Ayon kay Chairman Joelson del Mundo, kahit na may iba pang regular na namamasadang unit sa kanilang kooperatiba ay kinakailangan pa rin ng karagdagang byahe.
Ito ay dahil kapag rush hour ay dumadagsa ang mga mananakay sa mga lugar na mayroon silang pasada.
Dati kasi ay mayroong dalawa na nakareserba ang samahan pero sa ngayon ay namamasada na ang 32 units.
Samantala, mula noong Abril 22 nang magsimula ang libreng sakay sa ilalim ng Service Contracting Program ay umabot na sa mahigit 56,000 ang naserbisyuhan ng kooperatiba.//Jen Bayot-BNFM OLONGAPO
