Patay ro sangka senior citizen matapos eabuon it anang katrabaho sa Brgy. Tambuan, Malinao, Aklan.
Natabo ro krimen kahapon it agahun sa quarry site sa mismong ginatrabahuhan it biktima ag suspek.
Ginkilaea ro biktimang si Monserito Nobleza Bohol, 61yo, residente it Brgy. Dongon East, Numancia, Aklan, samtang ro suspek nga katrabaho kara hay si Allan Sablayan, 36yo, native it Catbalogan, Samar ag presenteng nagaistar sa Brgy. Kinalangay Viejo, Malinao.
Sa imbestigasyun it Malinao MPS, gulpi eon lang umabot ro suspek nga armado it sanduko ag ginlinabo ro biktima nga dinaea pa sa ospital pero namatay man.
Narekober sa lugar it kremin ro 25 inches nga sanduko nga ginamit it suspek.
Nagapadayun pa sa makarun ro hot pursuit operation it mga kapulisan sa suspek nga insigidang nagpaeagyo sakay ku anang motorsiklo matapos ro kremin. / ANN DESLENE SALAZAR
