Bilang kabahin it pagtinguha it PNP nga masigurong maayos ro National ag lokal nga eleksyon hin-aga, Mayo 9, gin-inspeksyon ni PCOL Alexis H. Relado, RLDDD PRO6 ro kahauman it mga unit it pulisya nga gampanan ro obligasyon sa eleksyon bilang mga deputized agent it Commission on Election (COMELEC).
Makarung adlaw, Mayo 8, gin-inspeksyon ni PCOL Relado ro Malay Municipal Police Station sa isla it Boracay ag gintan-aw ro deployment plan nga ginpakita ni PLTCOL Don Dicksie L. De Dios, Chief of Police.
Raya hay agud masiguro nga supisyente ro mga kapulisan nga igapakalat sa mga presinto it botohan agud magarantiya ro seguridad it publikong nagaboto, ag election officials, ag agud hugot nga ipatuman ro mga minimum health protocols. / ANN DESLENE SALAZAR
