Patay ro sambilog ka 16-anyos nga miyembro it rebeldeng grupo nga New People’s Army (NPA) sa engkwentro sa tunga it tropa it gobyerno ag militanteng grupo sa Barangay Gatuslao, Candoni, Negros Occidental.
Base sa pahayag ni Brigadier General Leonardo Peña, commander it 302nd Infantry Brigade (302IB), ro biktima hay ginkilaea nga si “Ka Kisap/Boyca” residente it Sitio Maabon, Barangay Cabadiangan, Sipalay City, Negros Occidental.
Ro menor de edad hay miyembro it Squad 2, Platoon 3 it southwestern front it NPA.
Sa nasambitan nga encounter, narekober it Army ro sambilog ka M16 rifle nga may defaced serial number, sambilog ka .45 pistol, sambilog ka anti-personnel mine, limang short magazine it M16 assault rifle, ag maeain-eain nga mga bala it aeain-eain nga kalibre.
Nabuoe man sa anda ro tatlo ka kilo it ammonium nitrate, sambilog ka commercial radio, sambilog ka gun sling, tatlo ka backpack, ag mga dokumento./JIL B. LACSON
