Masobra 52,000 ka mga unga nga uwa pa it daywang dag-on ro target nga mabakunahan sa catch-up immunization it Department of Health (DOH).
Nag-umpisa ro pagpabakuna ku nagtaliwan nga buean sa Iloilo ag Negros Occidental bilang mga priority areas, base kay Dr. Daphynie Teorima, coordinator para sa Child Health at National Immunization Program it DOH Region 6.
Ro routine immunization hay ginhiwat agud maturukan it mga bakuna ro mga unga kuntra sa Tuberculosis, Hepatitis B, diphtheria, pertussis, tetanus, influenza B, pneumonia, meningitis, measles, mumps, rubella ag iban pa.
Samtang sa 4,000 ro ginaasahan nga numero it mga unga mag-avail it catch-up immunization sa Aklan. Kapin sa 5,000 man sa Antique; sa 6,200 sa Capiz; 659 sa Guimaras; 5,800 sa Bacolod City; ag kapin sa 2,000 sa Iloilo City./JIL B. LACSON
