Giguba ug gipamungkag na ang mga iligal nga STL Outlets sa dakbayan sa Sugbo sugod sa miaging Lunes pinaagi sa mga sakop sa Prevention, Restoration, Order, Beautification and Enhancement kon PROBE.
Matud ni Raquel Arce, pangu sa PROBE, niabut og 40 ka iligal outlets ang giguba sa iyang mga sakop, diin ang 25 niini gikan sa amihanang bahin sa syudad ug ang dugang 15 usab nagagikan sa habagatan.
Nasayran usab nga kadaghanan sa mga STL nga giguba sa PROBE, gawas nga wala kini’y mga permit, anaa pa kini sa mga sidewalk gipahimutang.
Una niini, miduaw sa dakbayan ang General Manager sa PCSO nga si Royina Garma, diin nahisgutan nila ni Mayor Edgar Labella ang minilyon nga na-alkansi sa gobyerno tungod sa pagdaghan sa iligal nga mga STL sa siyudad.
