Ginhambaean it Department of Tourism (DOT) ro lokal nga gobyerno sa Boracay nga sundon ag ipatuman ro 19,215 nga bisita kada adlaw samtang ginatuna-n pa it Department of Environment and Natural Resources (DENR) ro carrying capacity sa isla.
Base sa DOT, presenteng nagapatigayun it pagtuon ro DENR sa carrying capacity study ku 2018 ag ginaeauman nga igapaguwa ro pagtuon sa June 15.
Matandaan nga gintawag ni Tourism Secretary Bernadette Romulo-Puyat ro atensyon it local government unit (LGU-Malay) bangud sap ag-eampas it daily threshold sa isla ku Holy Week.
Pero base sa data it Malay, nagatumod segun raya sa mga new arrivals ag bukon it kaeakip ro mga bisitang igto eon eagi sa isla, nga kabahin gihapon it carrying capacity.
Sa pihak nga parte, owa gihapon nakabatun ro DOT it kopya it sabat it LGU-Malay kaangot sa bayolasyon bangud ro sueat ni Puyat hay naka-address sa DENR ag copy furnished ro LGU. / ANN DESLENE SALAZAR
