KINATIBUK-ANG 219 ang total successful donor sa gipahigayong Dugo Para sa KaBrigada, blood letting activity sa SM Mall of GenSan, adlawng Dominggo.
Nagsugod alas 8 sa buntag hangtud alas 4 sa hapon ang blood letting nga gisuportahan sa mga kapulisan, kasundalohan, nagkadaiyang sector lakip mga volunteers gikan sa Notre Dame of Dadiangas University, Red Cross 143 volunteers gikan sa Brgy. City Heights ug Lagao ug PAMET Socsksargen chapter.
Anaa usab ang mga doctor, volunteers gikan sa Sarmed, St. Elizabeth Hospital ug Socsargen Hospital asa lakip midonar og dugo ang pipila ka empleyado sa Brigada.
Mokabat sa 257 ang narehistro nga pangalan apan tungod sa kakulian sa ilang panglawas, mokabat lang sa 219 ang malampusong naka-donate.
Hugot usab nagpasalamat si Merlita Gludo, Red Cross GenSan chapter administrator sa mga successful donors ug sa mga volunteers alang sa malampusong blood letting activity.
Una nang nanawagan ang Red Cross og mga mag donate og dugo tungod ginakulang ang suplay tungod sa kadaghan sa mga manginahanglan.
