Ginakaalarma it lokal nga transport groups sa probinsiya it Aklan ro ginsadya segun nga pagharang it mga pampubliko nga saeakyan it Land Transportation Office (LTO) sa aragyan it mga tourist van sa Aklan West Road ku February 15, 2022.
Kasunod kara nagpaguwa ro Caticlan Boracay Transport Multi-Purpose Cooperative (CBTMPC) Land Transport, K’Jad Travel and Tours, Paradise Island Transport Multi-Purpose Cooperative, ag MV Shuttle it sambilog ka petisyon kuntra sa taeatapan.
Dugang pa nanda bukon it maayos nga naisakatuparan ro mga ginapatuman nga sueondanan it LTO bangud uwa nakipag-coordinate sa anda ro mga enforcers bago ro operasyon.
Bangud kara, ginkumbinse it Sangguniang Panlalawigan it Aklan ro LTO ag Land Transportation Franchising and Regulatory Board (LTFRB) nga tan-awon ag pagataw-an it sabat ro mga alegasyon it transport groups kuntra sa LTO enforcement team./JIL B. LACSON
