Owa it nakitang forcible entry sa natabo nga panakawan sa sangka gasolinahan sa may banwa it Banga, Aklan.
Sa interview it Brigada News FM Kalibo sa tag-ana it gasolinahan nga naghinyo nga indi pagpangaeanan, mas o menos sa P400,000 ro natakaw it mga suspek.
Sa imbestigasyun it Banga PNP, sinamad ro vault kung siin igto nakabutang ro nasambit nga kwarta.
Samtang, kumbinsido ro tag ana nga kilaea kara ro mga nagpanakaw sa anang gasolinahan bangud owa nasamad ro pirtahan ag ginbuoe pa ro modem it CCTV sa nasambit nga gasoline station.
Nagapadayun man ro imbestigasyun it Banga PNP sa insidente. / ANN DESLENE SALAZAR
