Gikonsidera sa liderato sa Police Regional Office (PRO) 13 nga alarming ang paspas nga pagsaka sa ihap sa mga quarantine violators dinhe sa rehiyon sa Caraga.
Base sa record sa Regional Operations Division 13, moabot na sa 41,757 ang kinatibuk-ang ihap sa mga nadakpan sukad Septembre 17, 2020 hangtod Abril 15, 2021.
Sa kinatibuk-ang ihap, dunay 2,972 ang nadakpan sa curfew, 15,266 sa disobedience to a person and/or agents of the person in authority; 22,161 sa wala pagsuot og face masks; ug 1,358 sa social distancing.
Tungod niini, gi-awhag ni Police Brigadier General Romeo Caramat, Jr., ang Regional Director sa PRO 13 ang publiko nga sundon unsay gitakdang patakaran batok coronavirus aron hingpit nang mabuntog ang maong sakit.
