Takdang hatagan sa Land Transportation Franchising and Regulatory Board (LTFRB) Caraga ang mga drayber ning rehiyon og dugang insentibo sa umaabot nga mga adlaw.
Sumala ni Kristina Cassion, ang Regional Director sa LTFRB Caraga, moabot sa 1,359 ka mga drayber sa rehiyon ang makadawat sa maong insentibo.
Sa kinatibuk-ang ihap, 49 niini ang gikan sa Modern Public Utility Jeep(MPUJ) samtang 1,310 ang gikan sa Traditional Public Utility Jeep (TPUJ).
Bugtong drayber nga makadawat mao lamang kadtong napailawom sa Service Contracting Program kinsa matag isa kanila makadawat og P25,000 nga cash incentive.
Mokabat sa kinatibuk-ang P33.9 milyones ang pundong gigahin sa goberno kansang insentibo magsilbing pahalipay sa mga drayber nga nilambigit sa maong programa.
