Sinimulan na ng Philippine National Police ang pagdedeploy ng kanilang mga tauhan para magbantay sa mga quarantine hotel.
Ayon kay PNP chief General Dionardo Carlos bilang pagsunod sa direktiba ni Pangulong Rodrigo Duterte magkakaroon ng dalawang police personnel na magbabantay sa mga quarantine facilities at hotel sa pamamagitan ng 12-hour shift.
Sinabi ni Carlos na halos nasa 600 police officers ang ipinakalat nila sa iba’t-ibang mga quarantine facilities.
Nabatid na ang naging hakbang ng PNP ay matapos magviral ang dalawang balik-bayang Pinay mula US na tumakas sa quarantine hotel sa Makati.
