NUMANCIA, AKLAN — Sangka kaso it stray bullet ro nairekord sa banwa it Numancia sa probinsya it Aklan sa kasagsagan it selebrasyon it Bag-ong Dag-on.
Natabo ro insidente sa Brgy. Laguinbanua East, Numancia.
Base sa facebook post ni Herwin Antonino, makita sa anang gin-upload nga mga litrato nga gabot ro andang aluminum screen door ku andang baeay.
Sa pagresponde it Numancia PNP, nasayuran nga nagabot ro nasambit nga pirtahan bangud sa igu it bala halin sa kalibre 32 nga baril.
Sa makarun hay nagapadayun ro imbestigasyun it Numancia PNP sa insidente. / ANN DESLENE SALAZAR
photo credit: Herwin Antonino
