Kinumpiska ng Bgy. Calapacuan sa bayan ng Subic ang mga inirereklamong laruang pellet gun.
Ito ay dahil na rin umano sa mga reklamo na natatanggap ng barangay kaya para maiwasang makasakit ang mga nabanggit na laruan ay kinumpiska ito ng pamunuan.
Ayon sa barangay nais lamang nitong maiwasan ang hidwaan o hindi pagkakaunawaan sa mga residente lalo pa’t maaari itong tumama sa mata at maging sanhi ng pagkabulag.
Samantala, panawagan ng pamunuan na kung may makikita pang naglalaro nito ay itawag sa kanilang opisina sa numerong 0923-090-0393.// Jen Bayot-BNFM OLONGAPO
