Hakot ang award ang maraming manlalaro ng Taekwondo mula sa Olongapo City sa katatapos lamang na Region 3 Taekwondo Speed Kicking & Poomsae Championship.
Gold medalist sa Poomsae event sina Kacey Canlas, Janella Bonilla, Leno Maximuz Subaste at Winona Amolo habang nakuha ni Jomari Ferreras ang double gold sa Poomsae and speed kicking event.
Nakuha naman nina Savarna Daily at John Cyrus Fajardo ang gold medal sa speed kicking.
Naghakot rin ng medalya si Clint David Miller matapos nitong masungkit ang ginto sa speed kicking at bronze naman sa poomsae event.
Ang mga manlalaro ay karamihang nagsanay sa Philko Taekwondo Training Center sa pamamagitan nina coach Pablo Calatong Jr, Charmaigne Gay Calatong at assistant trainers na sina Jezebel Mardo at Daun Shaun Subaste.//Jen Bayot-BNFM OLONGAPO
