Nagapati ro sangka nanay sa Estancia, IIoilo nga ginkilaea eamang bilang si alyas Elita nga ro mobile phone game nga Mobile Legends o ML ro naging rason kung ham-an nag-angkun it nervous breakdown ro anang 14-anyos nga unga nga eaeaki.
Base sa pahayag ni Elita, pirme nagampang si “Toto” it mobile legends hasta nagareklamo eun segun raya nga nagasakit ro ueo.
Nakibot eamang ro nanay, kat nagdaeagan si toto sa ana ag naghambae raya nga may naga-eagas segun kana ag gusto imaw patyon.
Bangud sa pagkabaeaka, gin-usoy it nanay ro ginhambae nga tawo it anang unga pero uwa man raya it nakit-an. Nakita eamang si toto nga nagapanago sa mga tanum it tubo.
Ginkumpirma man ni Elita nga ginbuoe nana ro cellphone bangud sobra ro paghampang it ML it unga pero kada gabii ginabuoe man raya ni toto agud maghampang it Moblie Legends./JIL B. LACSON
