DUNGAN sa pagdumili sa pipila ka indibidwal lakip na senior citizens sa pagpabakuna batok Covid-19. Giklaro ni Dr. Rochelle Oco, City Health Officer nga luwas ang pagbakuna tungod miagi kini sa pagtuon bag-o giaprubahan.
Base sa imbestigasyon, dili ang bakuna batok sa virus ang rason sa pagkamatay sa tawo nga nabakunahan. Sa imbestigasyon sa health authorities, namatay ang indibidwal tungod sa sakit nga gihambin o comorbidities og dili tungod sa bakuna.
Ang pamahayag ni Dr. Oco ang dungan sa ubos nga ihap sa nagpabakuna luyo sa paigong supply sa bakuna sa dakbayan. Base sa vaccine statistics sa GenSan, naa pa lang sa 24% o 112, 609 katao ang fully vaccinated gikan sa 459,735 target population aron makab-ot ang popupation protection. Asa naa pa lang sa 15,113 ka mga senior citizens sa dakbayan ang fully vaccinated ug sa tibuok rehiyon naa pa lang sa 40% ang nabakunahang A2 priority group. ( Richel Gubalani)
