LEGAZPI-Dakop sa akto nin pagpapabakal nin ilegal na droga an sarong Security Guard sa Purok 6, Brgy. Binitayan banwaan kan Daraga probinsya kan Albay alas 10:10 kasubanggi.
Nabisto an supek na si Andy Mariñas Trilles, 45 anyos na residente kan nasambitan ng lugar.
Susog sa report kan Daraga Municipal Police Station, katabang kaining nagkondusir nin buy bust operation an PDEA Bicol kontra sa suspek.
Nakuha kay Trilles an sarong pakete nin pigtutubudang shabu asin 500 pesos na ginamit bilang buy-bust money.
Sa ngunyan nasa kustodiya na ini kan mga otoridad para sa magkakanigong disposisyon.
