Dumating sa bansa ang halos 800,000 doses ng Pfizer COVID-19 vaccine kagabi.
Nagpasalamat naman si vaccine czar Secretary Carlito Galvez sa gobyerno ng Estados Unidos at sa Pfizer para sa delivery nito ng mga bakuna.
Ayon kay Galvez, kabilang na ito sa isa sa mga pinakamalaking shipments ngayong linggo.
Sinabi ni Galvez na bibigyang prayoridad ang mga malalaking lungsod sa Regions 3 at 4A, at ang ilang lugar sa Regions 10 at 6.
Samantala, inihayag ni Galvez na tinatayang nasa 500,000 – 600,000 doses na ang naituturok sa bansa kada araw.
