KALIBO, AKLAN—Daywang banwa sa probinsya it Aklan do owa eon it nailistang aktibong kaso it COVID-19 as of September 27, 2021.
Ginaeakipan raya it mga banwa it Libacao ag Buruanga.
Nasayuran nga do banwa it Libacao hay may una nga 202 total cases, may 196 recoveries ag an-um do COVID-19 related deaths samtang do banwa man it Buruanga hay nakalista it 174 kumpirmadong kaso, 168 nga recoveries ag lima do binawian it kabuhi.
Sa pihak nga parte, do kabisera it Aklan nga banwa it Kalibo hay may nabilin pa nga 31 active cases, ginasundan it Batan (30), Tangalan (26), Banga (23), ag Malinao nga may 18 aktibong kaso. // SHERRY ANNE REUNIR-VIDAL
